സിനിമയില്‍ പ്രണയം മാത്രമാണു ട്രാജഡി, ബാക്കി മുഴുവന്‍ കോമഡിയാണ്. പ്രണയം പൊളിഞ്ഞ ജോപ്പന്‍ കള്ളുകുടിയില്‍ അഭയം പ്രാപിക്കുന്നതും ജോപ്പനെ പെണ്ണു കെട്ടിക്കാന്‍ വീട്ടുകാരും കൂട്ടുകാരും നടത്തുന്ന ശ്രമങ്ങളുമാണ് സിനിമയുടെ പ്രമേയം.കളിതമാശകളും പ്രണയവും പ്രണയനൈരാശ്യവുമായാണ് ആദ്യ പകുതിയുടെ പോക്ക്. രണ്ടാം പകുതിയില്‍ കഥ കുറച്ചു കൂടി ഗൗരവമുള്ളതാകുന്നു.
നാട്ടിന്‍പുറങ്ങളില്‍ നമ്മള്‍ കാണാറുള്ള കഥാപാത്രങ്ങളും രസകരമായ നിമിഷങ്ങളും ജോപ്പനെ പ്രേക്ഷകരിലേക്ക് അടുപ്പിക്കുന്നു. ചുരുക്കത്തില്‍, തോപ്പില്‍ ജോപ്പന്‍ ഒരു മാസ് ചിത്രമല്ല, മറിച്ച് മനസ്സു നിറയ്ക്കുന്ന ഫാമിലികോമഡി എന്റര്‍ടെയ്‌നറാണ്.തോപ്രാംകുടിയിലെ ഒരു ക്രിസ്ത്യന്‍ കുടുംബത്തിലെ അംഗമാണ് തോപ്പില്‍ ജോപ്പന്‍. കബഡി കളിയില്‍ മിടുക്കനായ ജോപ്പനു കുട്ടിക്കാലത്ത് ഒരു പ്രേമമുണ്ടായിരുന്നു ആനി. മിക്ക കൗമാര പ്രേമകഥയുടെയും അവസാനം പോലെ ജോപ്പന്റെ പ്രണയവും ഒരു ട്രാജഡിയായിരുന്നു.
കോട്ടയം കുഞ്ഞച്ചനെപ്പോലെ തെമ്മാടിയല്ല തോപ്രാംകുടി ജോപ്പന്‍. പ്രേക്ഷകനെ ചിരിപ്പിക്കുന്ന ഒരു പാവം രാജകുമാരനാണ്. കോട്ടയം അച്ചായന്റെ ഗ്ലാമറും കട്ട ഹീറോയിസവും മാത്രമല്ല, യാഥാര്‍ഥ്യത്തോടു ചേര്‍ന്നു നില്‍ക്കുന്ന നായകനാണ് തോപ്പില്‍ ജോപ്പന്‍.സിനിമയില്‍ പ്രണയം മാത്രമാണു ട്രാജഡി, ബാക്കി മുഴുവന്‍ കോമഡിയാണ്. പ്രണയം പൊളിഞ്ഞ ജോപ്പന്‍ കള്ളുകുടിയില്‍ അഭയം പ്രാപിക്കുന്നതും ജോപ്പനെ പെണ്ണു കെട്ടിക്കാന്‍ വീട്ടുകാരും കൂട്ടുകാരും നടത്തുന്ന ശ്രമങ്ങളുമാണ് സിനിമയുടെ പ്രമേയം.കളിതമാശകളും പ്രണയവും പ്രണയനൈരാശ്യവുമായാണ് ആദ്യ പകുതിയുടെ പോക്ക്. രണ്ടാം പകുതിയില്‍ കഥ കുറച്ചു കൂടി ഗൗരവമുള്ളതാകുന്നു. ചിരിയുടെ മേമ്പൊടിയോടെയാണ് ക്ലൈമാക്‌സും വരുന്നത്. രണ്ടു മണിക്കൂര്‍ മാത്രമാണു ദൈര്‍ഘ്യമെന്നതു കൊണ്ടുതന്നെ പ്രേക്ഷകന് ഒരിക്കലും ഒരിടത്തും അലോസരമുണ്ടാകുന്നില്ല. എന്നാലും കഥയിലും തിരക്കഥയിലും ചില പോരായ്മകളുണ്ടെന്നു പറയാതെ വയ്യ.
മരിയ എന്ന മെഡിക്കല്‍ സ്റ്റുഡന്റ് ആയി മംമ്തയും ആനിയായി ആന്‍ഡ്രിയയും അവരുടെ േവഷം മികച്ചതാക്കി. ഫാദര്‍ ഐസക്ക് വാളമ്പറമ്പിലായി സലിം കുമാര്‍ നടത്തിയ തിരിച്ചുവരവ് സിനിമയുടെ പ്രധാന ആകര്‍ഷണമാണ്. സലീം കുമാറും സോഹന്‍ സീനുലാലും ചേരുന്ന തമാശരംഗങ്ങള്‍ തകര്‍പ്പനാണ്.സിഐഡി മൂസ മുതല്‍ ചിരിച്ചിത്രങ്ങളുടെ പെരുമഴ തീര്‍ത്ത ജോണി ആന്റണി ഇത്തവണയും പ്രേക്ഷകനെ പൊട്ടിച്ചിരിയുടെ ലോകത്തേക്കാണു കൊണ്ടുപോകുന്നത്. നര്‍മരംഗങ്ങളില്‍ അനായാസം അഭിനയിച്ച മമ്മൂട്ടി ജോപ്പനെ ഗംഭീരമാക്കി. അദ്ദേഹത്തിന്റെ സെല്‍ഫ് ട്രോള്‍ രംഗങ്ങള്‍ തിയറ്ററില്‍ ആരവമാകുന്നുമുണ്ട്.
രണ്‍ജി പണിക്കര്‍, ജൂഡ് ആന്റണി, ഹരിശ്രീ അശോകന്‍, കവിയൂര്‍ പൊന്നമ്മ, പാഷാണം ഷാജി, അലന്‍സിയര്‍, മേഘനാഥന്‍ എന്നിവരാണ് മറ്റുതാരങ്ങള്‍. വിദ്യാസാഗറിന്റെ പാട്ടുകളും പശ്ചാത്തല സംഗീതവും മികച്ചു നിന്നു. സുനോജ് വേലായുധത്തിന്റെ ഛായാഗ്രഹണം ചിത്രത്തോടു നൂറു ശതമാനം നീതി പുലര്‍ത്തി. അന്‍പ് അറിവിന്റെ സംഘട്ടനരംഗങ്ങളും സിനിമയുടെ മാറ്റുകൂട്ടി.
bharathnewslive 