കൗതുകമുണര്‍ത്തി കൊപ്പച്ചിരി മത്സരവും നളദമയന്തി പ്രണയഗാന ദൃശാവിഷ്‌ക്കാര മത്സരവും

2.JPG

പൗരാണിക തനിമ ഉണര്‍ത്തി കെ.എസ്.എസ്.എസ്
വയോജന ദിനാഘോഷം സംഘടിപ്പിച്ചു

കോട്ടയം: അന്താരാഷ്ട്ര വയോജനദിനത്തോടനുബന്ധിച്ച് പൗരാണിക തനിമ ഉണര്‍ത്തി കോട്ടയം അതിരൂപതയുടെ സാമൂഹ്യ സേവന വിഭാഗമായ കോട്ടയം സോഷ്യല്‍ സര്‍വ്വീസ് സൊസൈറ്റിയുടെ നേതൃത്വത്തില്‍ വിപുലമായ പരിപാടികളോടെ വയോജന ദിനാഘോഷം സംഘടിപ്പിച്ചു. തെള്ളകം ചൈതന്യ പാസ്റ്ററല്‍ സെന്ററില്‍ സംഘടിപ്പിച്ച ദിനാഘോഷത്തിന്റെ ഉദ്ഘാടനം സുരേഷ് കുറുപ്പ് എം.എല്‍.എ നിര്‍വ്വഹിച്ചു. വയോജനങ്ങളുടെ ആരോഗ്യസുരക്ഷ ഉറപ്പ് വരുത്തേണ്ടത് സാമൂഹിക ഉത്തരവാദിത്വമാണെന്നും വയോജനങ്ങളെ അംഗീകരിക്കുവാനും ആദരിക്കുവാനും വയോജന ദിനാചരണം പ്രചോദനമാകുമെന്നും അദ്ദേഹം ഉദ്ഘാടന പ്രസംഗത്തില്‍ പറഞ്ഞു. ഏറ്റുമാനൂര്‍ മുനിസിപ്പല്‍ ചെയര്‍മാന്‍ ജെയിംസ് തോമസ് പ്ലാക്കിത്തൊട്ടിയില്‍ അദ്ധ്യക്ഷത വഹിച്ചു. ഏറ്റുമാനൂര്‍ ബ്ലോക്ക് പഞ്ചായത്ത് പ്രസിഡന്റ് പി.വി മൈക്കിള്‍ മുഖ്യപ്രഭാഷണം നടത്തി. കെ.എസ്.എസ്.എസ് സെക്രട്ടറി ഫാ. ബിന്‍സ് ചേത്തലില്‍, അസി. സെക്രട്ടറി ഫാ. ബിബിന്‍ കണ്ടോത്ത്, കിടങ്ങൂര്‍ എല്‍.എല്‍.എം ഹോസ്പിറ്റല്‍ ചാപ്ലയിന്‍ ഫാ. മാത്യു  ചെള്ളക്കണ്ടത്തില്‍, കെ.എസ്.എസ്.എസ് സീനിയര്‍ സ്വാശ്രയസംഘ കേന്ദ്രതല ഫെഡറേഷന്‍ പ്രസിഡന്റ് ഫ്‌ളോറിന്‍ ചെറുശ്ശേരി എന്നിവര്‍ പ്രസംഗിച്ചു. സമ്മേളനത്തോടനുബന്ധിച്ച് ഫാ. മാത്യു ചെള്ളക്കണ്ടത്തിലിനെ പൊന്നാട അണിയിച്ച് സുരേഷ് കുറുപ്പ് എം.എല്‍.എ ആദരിച്ചു. ദിനാചരണത്തോടനുബന്ധിച്ച് നടത്തപ്പെട്ട സെമിനാറിന്  ഫാ. ജിന്‍സ് നെല്ലിക്കാട്ടില്‍ നേതൃത്വം നല്‍കി. പഴമയുടെ പ്രൗഢിയുമായി വയോജനങ്ങള്‍ക്കായി സംഘടിപ്പിച്ച കൊപ്പച്ചിരി മത്സരത്തില്‍ കിഴക്കേ നട്ടാശ്ശേരി ഗ്രാമത്തില്‍ നിന്നുള്ള ഏലിക്കുട്ടി എബ്രാഹവും ചിങ്ങവനം ഗ്രാമത്തില്‍ നിന്നുള്ള ലീലാമ്മ എബ്രാഹവും നള ദമയന്തി പ്രണയഗാന ദൃശ്യാവിഷ്‌ക്കാര മത്സരത്തില്‍ കുറുപ്പന്തറയില്‍ നിന്നുമുള്ള മറിയക്കുട്ടി ചാക്കോ ആന്‍ഡ് സണ്ണി, ചെറുകര ഗ്രാമത്തില്‍ നിന്നുളള ചാക്കോആന്‍ഡ്  ലീലാമ്മ എന്നിവരടങ്ങുന്ന ടീമും യഥാക്രമം ഒന്നും രണ്ടും സ്ഥാനങ്ങള്‍ കരസ്ഥമാക്കി. ഇരുന്നൂറ്റിയമ്പതോളം വയോജന പ്രതിനിധികള്‍ ദിനാചരണത്തില്‍ പങ്കെടുത്തു.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s